TRADUSAUN POEZIA [RELIJIOZA]: INDONÉZIA-TETUM 2

MAROMAK (1)

Hosi: *)Gerson Poyk

Maromak ne’e Ida

Universál

Kentál iha ha’u-nia laran-taridu

Dook, kaer la hetan

Hosi ha’u-nia matemátika ne’ebé ansi

Maromak ne’e Boot Tebes

Nakdedar iha ha’u-nia konxiénsia

Ne’e mak riska

Iha ha’u-nia fiar iha tempu kalan

Tinan naroman relijiaun siénsia….

--
Fatuhada, Dili, 31 Dezembru 2016
@JE/ABS/KM
*)Gerson Poyk nu’udar poeta no eskritór Indonézia, moris iha Ba’a (illa Rote, provínsia NTT), iha  loron 16 fulan-Juñu tinan 1936. Poema ne’e publika iha livru “Dari Rote ke Iowa”, ho nia títulu orijinál “Allah (1)”.

TRADUSAUN POEZIA [RELIJIOZA]:INDONÉZIA-TETUM 1

         Na’i Maromak, Ita Besik Malu Loos

Hosi: *)Abdul Hadi WM

Na’i Maromak

Ita besik malu loos

Hanesan ahi ho manas

Ha’u sai manas iha Ó-nia ahi

Na’i Maromak

Ita besik malu loos

Hanesan hena ho kabas-rahun

Ha’u sai kabas-rahun iha Ó-nia hena

Na’i Maromak

Ita besik malu loos

Hanesan anin ho ninia alvu

Ita besik malu loos

Iha nakukun

Oras ne’e ha’u lakan

Iha Ó-nia lampu mate

--

1976

Fatuhada, Dili, 31 Outubru-1 Novembru 2016

@ JE/ABS/KM

*)Abdul Hadi WM nu’udar lia-na’in hosi Indonézia, ne’ebé moris iha loron 24 fulan-Juñu tinan 1946. Nia koñesidu liuhosi nia obra sira-ne’ebé iha iis sufístiku.