TRADUSAUN POEZIA [RELIJIOZA]: INDONÉZIA-TETUM 4

JARDIN OLIVEIRA

Hosi *)Sitor Sitomorang

Iha jardin Oliveira
Kristu reza—
Didin-lolon Jeruzalém
Laiha eku
--
Fatumeta, 9 Feveiru 2018
@JE/ABS/KM

*)Sitor Sitomorang nu’udar lia-na’in hosi Indonézia, ne’ebé moris iha Harianboho, Samosir, Sumatra, iha loron 2, fulan-Outubru tinan 1925. Nia koñesidu liuhosi nia obra sira hanesan: Jalan Mutiara, Surat Kertas Hijau, Dalam Sajak, Wajah Tak Bernama, nst.  

TRADUSAUN POEZIA [RELIJIOZA]: INDONÉZIA-TETUM 3

MAROMAK (2)

Eh Na’i-Maromak, eh ha’u-nia Maromak
Tansá mak ó soe hela ha’u
Mesak de’it iha aviaun ida-ne’e nia kabun-laran?
Sekrestadór sira fokit tiha ona moris
Ne’ebé ó haraik mai ha’u
Bainhira to’o ha’u-nia tempu atu hetan oho
Hafoin tiha soe-sai hosi aviaun leten
Atu ko’alia tan sá
Ha’u hatene kona-ba ó-nia imajen universál
Maibé ó-nia imajen ezistensiál partisipa
Tiha ona ho tauk no nakedar
Ha’u-nia mate sei tuir Ó-nia mate
Ó-nia moris hias, nu’udar ha’u-nia moris hias…
--
Fatuhada, Dili, 24 Janeiru 2017
@JE/ABS/KM
*)Gerson Poyk nu’udar poeta no eskritór Indonézia, moris iha Ba’a (illa Rote, provínsia NTT), iha loron 16 fulan-Juñu tinan 1936. Poema ne’e publika iha livru “Dari Rote ke Iowa”, ho nia títulu orijinál “Allah (II)”.

PENSANDO EN EL WALT WHITMAN

ó hananu ba ó-nia amérika nia rai, tasi no lalehan/
ha'u mós hananu ba ha'u-nia timór nia rai, tasi no lalehan/
ita rua rai ain-le'ut balun/
husu boot ita-nia ain-le'ut sira/hamosu ain-le'ut foun lubuk/
iha tempu ikus mai//
--
Fatuhada, 18 Fevereiru 2018
@JE/ABS/KM

PENSANDO EN EL PABLO NERUDA

"I believe the world is beautiful
and that poetry, like bread, is for everyone."
ROQUE DALTON

ó-nian mak xile, ho nia lalatak/
ha'u-nian mak timor-lorosa'e, ho nia lalatak/
ita rua fanun malu: ó ho ó-nia lian español, no ha'u ho ha'u-nia lian tetum/
ita rua nia dadolin mosu/iha dadeer rai-sabutar no iha lokraik rai-nakaras/
nu'udar jambata/
hatutan horiseik, ohin no loron aban//
--
Fatuhada, 18 Fevereiru 2018
@JE/ABS/KM

PENSANDO EN EL SUTAN TAKDIR ALISAHBANA

“Poetry begins in delight,

And ends in wisdom.”

ROBERT FROST

Ó-nia Sumatra no ha’u-nia Timór/nahe-an iha biti-boot Nusantara/hori uluk no hori otas kedas/molok maluk matan-mutin sira: olanda no portugés/mai sama ita-rua nia bei-ala sira nia ulun/

Ó-nia knananuk, “LAGU PEMACU OMBAK”/hafurin ha’u-nia knananuk, “MENARI MENGELILINGI PLANET BUMI”/

Ita rua tuba-rai/ita rua tebe-rai/ita rua tabu-rai/hodi hananu/ho fuan no laran tomak/”duduk sama rendah, berdiri sama tinggi”//

--

Fatuhada, 18-19 Fevereiru 2018

@JE/ABS/KM