NOTA BA HA’U-NIA AN RASIK [7-2-2014]

*) Bainhira ahi-oan domin la lakan maka’as tan ona iha ha’u-nia fuan no neon, sá folin tan mak ha’u sei iha, iha moris ne’e?

Fatuhada, 6 Fevereiru 2014

NOTA BA HA'U-NIA AN RASIK [6-2-2014]

*) Ha’u-nia funu-maluk prinsipál iha moris ne’e mak ha’u-nia an rasik. Bainhira ha’u bele ona halakon tiha funu-maluk ne’e, ha’u bele dehan katak ha’u ne’e funu-na’in duni ka asuwa’in duni.

Fatuhada, 6 Fevereiru 2014

 

TASI-TOLU REVISITED 1

ema lubun halibur

ema lubun hadahur

ema lubun hananu

ema lubun haklalak,

“ami-nia rain, ami mak sai nia na’in!”

--

@JE/ABS/KM

Rai-klaran (Bali-Dili), Outubru-Novembru 2013

INTRODUSAUN

Iha tinan foun 2014 ha’u hahú ho blogspot foun ida-ne’e atu hato’o ha’u-nia hanoin no sentimentu

kona-ba moris. Husu boot fatin oan ne’e sai nu’udar fatin murak ba ha’u no maluk sira  atu haklaken moris nia lalaok ne’ebé nakonu ho nia mutin no metan.

Kmanek no ksolok!

Dili, 5 Fevereiru 2014

Abé Barreto Soares