“Natureza mak tasi-ibun manas ida-ne’e
no iha kór mean-nabilan
no iha iis morin
ne’ebé isin-lolon hanawa
no klamar mós hanawa
no haluan matan sira ba infinitu”
--
Dili, Fatuhada, 20 Dezembru 2016
@JE/ABS/KM
Wednesday, January 4, 2017
HANOIN MURAK SIRA KONA-BA NATUREZA: MARIA NATÁLIA MIRANDA, ESKRITORA PORTUGEZA-5
“Natureza mak bibi lubun oan ida-ne’e
ne’ebé iha iis rai-luan ho du’ut matak nian
no ne’ebé fila hikas ba luhan
halo lian
iha rai-nakaras ida-ne’ebé hakmatek”
--
Dili, Fatuhada, 20 Dezembru 2016
@JE/ABS/KM
HANOIN MURAK SIRA KONA-BA NATUREZA: MARIA NATÁLIA MIRANDA, ESKRITORA PORTUGEZA-4
“Mota ida-ne’e
ne’ebé moris hosi lumut
no turuk iha tella
Mota ida-ne’e
ne’ebé tun hosi foho leten
no ko’alia ho laran-maus
no ko’alia ho kbiit
suli liuhosi foho-leet sira, no bee-dalan sira
Mota ida-ne’e
ne’ebé iha morin ortalaun nian
no iha morin tomillu nian
ne’ebe loke nia isin-lolon
ba ikan no manduku sira
no ne’ebé fó-hemu
ba ai-funan kukus no ai-funan roza sira
ba manu tordu sira no ba batar
Mota ida-ne’e
ne’ebé labarik sira
hariis no hamanasa
no mehi
no ne’ebé matan sira enfeita ho buat-murak
Mota ida-ne’e MAK NATUREZA
--
Dili, Fatuhada, 20 Dezembru 2016
@JE/ABS/KM
HANOIN MURAK SIRA KONA-BA NATUREZA: MARIA NATÁLIA MIRANDA, ESKRITORA PORTUGEZA-3
“Ha’u mai hosi natureza atu hasoru loro-matan sa’e
Ha’u fila hikas ba natureza iha loro-matan monu
Natureza mak nu’udar ha’u-nia inan
ha’u-nia abut
ha’u-nia rai surpreza nian”
--
Dili, Fatuhada, 20 Dezembru 2016
@JE/ABS/KM
HANOIN MURAK SIRA KONA-BA NATUREZA: MARIA NATÁLIA MIRANDA, ESKRITORA PORTUGEZA-2
“Natureza mak ha’u
no ha’u nu’udar janela nakloke ida
ba Natureza”
--
Dili, Fatuhada, 20 Dezembru 2016
@JE/ABS/KM
Subscribe to:
Posts (Atom)